Euskaltzaleen Topaguneak tokian tokiko euskara elkarteekin batera euskarazko formatu txikiko ikuskizunak eta tailerrak sustatzeko antolatutako kultur zirkuitua da Kultur Errota.

Sortzaile eta elkarteen bilgunea ere bada Kultur Errota. “Biraka dabilen harria, sorkuntzan ari den herria” leloak ondo islatzen du bi hamarkadatako ibilbidea eta egitasmo honen helburua.

1997tik, etenik gabe, herriz herri biraka aritu da euskal kulturaren errota.

Sortzailea zara?
Antolatzailea zara?

Sormena

null
Euskal sortzaileek ematen diote hauspoa Errotari, beraien sormena eta sorkuntzak gure esku jarriz. Beraiekin eraikitako sareari esker, Kultur Errotak euskarazko ikuskizunen  kalitatezko eskaintza luzatzen die Euskaltzaleen Topaguneko bazkideei. Kultura gozatzeko oinarrizko lehengaia eskaintzen dute sortzaileek, sormena.

Hedapena

null
Sorkuntza lanak herriz herri hedatzeko aukera eskaintzen dute era berean euskara elkarteek. Plazak eskaintzen dizkiete sortzaileei, beti ere formatu txikira egokitutako espazioak. Euskarazko kultur eskaintza herritarrengana hurbiltzeko zirkuitua antolatzeko ardura dute elkarteok.

Transmisioa

null
Formatu txikiak aukera ematen du gertuko harremana bultzatzeko. Horrela, euskara elkarteak, sortzaileak eta euskaltzaleak kulturaren bueltan saretzen ditu Kultur Errotak. Eta kulturaren bidez, modu ludikoan, euskararen erabilera pizten laguntzen du zabaltzen duen ikuskizunen bidez

Helburuak

  • Euskal kultur sortzaileei plazak eskaintzea, herrietako euskarazko kultur dinamikak aberastuz.
  • Euskal sortzaileen eta sormen lanen ikusgarritasuna lortzea.
  • Euskaraz sorturiko kultur ikuskizunei, hedapenerako zirkuitu duina eta koordinatua eskaintzea.
  • Euskararen erabilera sustatzea.
  • Euskaraz aritzeko bilguneak sortzea.
  • Euskara eta euskal kulturaren transmisioa sustatzea sortzaile, antolatzaile eta hartzaileen arteko harremanak bultzatuz.
  • Genero berdintasuna sustatzea; hau da, gizon eta emakumeen parte hartzea bermatu (bai kulturgile, ikus-entzule eta antolatzaileen artean) modu berdinkide batean.