Euskal sortzailea zara? Euskarazko edo/eta euskaratik abiatutako kultur proposamenik duzu eskuartean? Zure lana Euskal Herrian zabaldu nahi duzu? Hala bada, Kultur Errota zure bila ari da!
Zuk sormena, guk plaza!
Baldintzak
Hizkuntza eta edukiari dagozkionak
- Hitzezko kultur proposamenetan euskara hutsean diren proposamenek izango dute lehentasuna. Bestelako hizkuntzaren bat ere erabiliko balitz, gutxienez edukiaren %80 euskaraz dela bermatu beharra dago.
- Hitzezkoak ez diren kultur proposamenetan sortzaileak lana (emanaldiaz beraz haratago) euskaraz aurkezteko gaitasuna eta nahia izango du.
- Kudeaketa zein emanaldian bertan izan daitezkeen hartu-emanak euskaraz izango dira.
Euskara izango da lehentasunezko hizkuntza ekimenaren zabalpena egiteko erabilitako euskarri guztietan
Kudeaketari dagozkionak
• Kultur errotak gertuko emanaldiak ditu helburu. Ondorioz, formatu txiki eta ertaineko emanaldiak lehenesten ditu.
• Izen ematean helaraziko datuak izango dira une oro kontutan izango direnak (teknikoak, prezioak, etabar), sortzaileak bestelakorik adieraziko ez balu. Hilabete bakoitzeko lehenengo astea izango da aldaketak eskatzeko epea.
• Sortzaileak erregistratutako proposamenaren datuak eguneratuta mantentzeko konpromisoa hartzen du.