Rosa Martínez & Marfil Produkzioak

ROSA MARTINEZek bere Konpainia sortu zuen 2000. urtean (BIHAR taldean bederatzi urte eman ondoren) haurrei eta familiei zuzenduriko txotxongilo-antzerkian aritzeko asmoz. Ordutik ez dio antzezteari utzi eta hamar lan baino gehiago estreinatu ditu. Guztietan antzerkia, txotxongiloak, musika, ipuinak eta neska-mutilen fantasia protagonistak direlarik.
Mota ezberdinetako txotxongiloak, teknikak eta gaiak landu ditu urte hauetan, kultura-etxeetan, eskoletan, antzokietan nahiz liburutegietan, neska-mutilentzat eta familiarentzat, euskeraz zein gaztelaniaz, ipuin klasikoak eta garaikideak, dibertigarriak eta esanguratsuak.

Gaur egun hamar ikuskizun ezberdin antzezten ditu. Bere azken obrak, “Nahia eta Neo” eta “Etxean Goxo”, aretoetan zein antzokietan burutu daitezke bi formatuei esker.

Euskadiko eta Nafarroako programazioetan aritu da gehienbat. Gonbidatua izan da beste Autonomia-Erkidegoko kultura-jarduera askotara eta Nazioarteko Txotxongilo Jaialdi batzuetara, hala nola Barañain (2018/ 2017 / 2002), Bilbao (2008), Chiclana de la Frontera (2018), Hendaya (2017/ 2016/ 2015/ 2013/ 2012/ 2007), Logroño (2018), San Adrián (2004), Sestao (2008) edo Tolosa (2016/ 2012)

2008tik kolaborazioak egiten ditu “TXOTXONGILLO” taldearekin Itsasminez eta Erreka Mari ikuskizunak antzeztuz Eusko Jaurlaritzako Ingurumen eta Lurralde Politika Sailaren ingurumen-hezkuntzako Aztertu programa barruan (Ibaialde eta Azterkosta Kanpainak).
2007an “Hala Bazan” sortu zuen, lanaren hazia Vitoria-Gasteizko eskolek egindako enkarguzko lana izan zelarik. Hurrengo urtean beste ikuskizun berri bat prestatu zuen Vitoria-Gasteizko ikastola eta ikastetxeentzat. “Hala Bazan” Hendaiako Festibalean – Txotxongilo Egunak (2015 / 2016) – parte hartzeko aukeratua izateaz gain, Euskadi, Nafarroa eta beste autonomia-erkidegoko areto frakotan aurkeztua izan da.
2006an “Rosa in Storyland: Ipuinen lurraldean” estreinatu zen. Proposamen hezigarri oso, elebidun, arin eta jostagarria da.
2004eko abenduan lehen aldiz eskaini zuen “Beti Lagun” ikuskizuna Gasteizko Federico García Lorca Auditoriumean.

UNIMA (Txotxongiloen Elkarte Internazionala) -ko kidea da 1992etik.

Euskararen Gaitasun Agiria (EGA) 1992.

Burututako Lanak
Bere azken antzezlana, “Nahia eta Neo” 2016an aurkeztua izan zen lehendabizi. Bere konpainiaren 15 urteak eta 25 urte bete zituela txotxongiloen munduan ospatu nahian.

Saio esanguratsuak:
– “Sábados de Títeres” Cuenca 2019.
– 36º “Festival de Marionetas y Teatro Infantil de Logroño y Provincia” 2018.
– Barakaldoko Familientzako Arte Eszenikoen Egitaraua 2018.
– Baranaingo 23.Nazioarteko Txotxongilo Jaialdia 2017.
– Hendaiako 28. Festibala – Txotxongilo Egunak- 2017.
– Tolosako 34. Nazioarteko Txotxongilo Jaialdia – Titirijai 2016.
– “Txotxongiloak Igandero” Bilboko Campos Antzokia 2016.
2012an Etxean Goxo ikuskizuna estreinatu zuen Bilboko Campos Antzokian, urte hauetan hartutako heziketa eta esperientzia batuz.
Saio esanguratsuak:
– XXIX Chiclana de la Fronterako Jaialdia – TITIRITUCI- 2018.
– Baranaingo Nazioarteko Txotxongilo Jaialdia 2018.
– “Sábados de Títeres” Cuenca 2018.
– Iruñeako Antzerki Jardunaldiak 2013.
– Barakaldoko Familientzako Arte Eszenikoen Egitaraua 2013.
– “Txotxongiloak Igandero” Bilboko Campos Elíseos Antzokia 2013, 2012.
– Titirijai 2012- Tolosako Nazioarteko Txotxongilo Jaialdia.
– TOPIC Aretoa Tolosa 2012.
– Txotxongilo Egunak- Hendaiako Festibala 2012.

IKUSKIZUNAK

Erreka Mari

Antzerkiak
 

Itsasminez

Antzerkiak
 

Hala Bazan

Antzerkiak
 

Nahia eta Neo

Antzerkiak