Sonakay Guztiekin – boskote formatuan

Yoni Camachok (ahotsa), David Escuderok eta Ramon Velezek (gitarrak), Jose Luis Jimenezek (baxua) eta David Bernardezek (perkusioa) osatzen dute Sonakay boskotea, eta ikuskizun honetan azken diskoko kantuak nahiz lehen diskoko abestiak uztartuko dituzte.

Azken aldian oholtzetan formatu handian dabiltzan arren, txalaparta eta trikitixa bezalako soinu-tresnak gehituta, boskoteak bere esentzia nagusia erakutsiko du jatorrizko formatuan.