Ikuskizuna eskaera orrira gehitu

Siroka

Siroka

 

Siroka Bizkaian jaiotako rock laukotea da. 2009tik eszenatokiak sutan jarri dituzte Euskal Herri osoan eta atzerriko Udine (Italia), Londres (Inglaterra), Madrilen (Espainia) eta Parisen (Frantzia) jotzeko aukera ere izan dute11 urtetako ibilbide luzean.

Maria Rivero (ahotsa), Gorka Chamorro (bateria), Eriz Perez (gitarra) eta Joseba Urruela (baxua) osatzen dute taldea.
5 disko kaleratu dituzte beraien ibilbide oparoan, denak autoekoiztutak.

Haize Berriak (2009), Iñaki Esparzarekin grabatua eta MusikHerria diskoetxearekin kaleratu zuten.

Karosi (2011), Tio Peten grabatu zuten Karlos Zubiagaren eskutik eta Javi Palaciosen nahasketarekin. Musikherriaren zigilupean argitaratu zuten disko liburu honek Ibon Sanchez ilustratzailearen margolanak zituen eta Unai Bergara arduratu zen maketazioaz.

3.SZN (2013), Andoaingo Garate estudioan grabatu zuten Kaki Arkarazoren gidaritzapean eta Taupakaren eskutik kaleratu zuten. Alain Urrutia margolariak egin zuen diskoaren diseinua.

Ura (2016), Unai Mimenzaren gidaritzapean grabatu zuten Tio Pete estudioan eta Marta Lopez arduratu zen diskoaren arte diseinuaz. Taupakaren eskutik kaleratu zuten.

Buruz Behera (2018), Muxikon estudioetan grabatu zuten Txortx Etxebarrietaren eskutik. Diseinuaz Arrate Etxebarria arduratu zen eta Aritz Garciak egin zuen maketazioa eta logo berria. SRK Records, taldearen zigilu berriaren bitartez, kaleratu dute diskoa.