Ikuskizuna eskaera orrira gehitu

Argik ez du bere etxetik itsasoa ikusten, baina ezagutu eta maite du. Handia delako, ederra delako, opari asko ematen digulako. Baina itsasoa arriskuan dago. Eta ba al dakizue zergatik? Ilargiak daki. Argik, neskatila ausarta denez, osaba Joxek emandako karakolaren bitartez, itsasondoraino bidaia luzea egingo du zer gertatzen den jakiteko. Hor lagun pila bat aurkituko du: Pulpez olagarroa, sardinak, Joanetagaldetu… Eta bihotz zabalekoa denez, itsasoko lagunek zuten arazo larria konpontzen lagunduko die.

Rosa Martinez txotxongilolariaren eskutik, Enkarni Genuak idatzia eta zuzendua, argi beltza teknika erabiliz sortutako ikuskizuna da honakoa.

 

ROSA MARTINEZek bere Konpainia sortu zuen 2000ean haurrei eta familiei zuzenduriko txotxongilo-antzerkian aritzeko asmoz. Ordutik ez dio antzezteari utzi eta hamar lan baino gehiago estreinatu ditu. Guztietan antzerkia, txotxongiloak, musika, ipuinak eta neska-mutilen fantasia protagonistak direlarik.
Mota ezberdinetako txotxongiloak, teknikak eta gaiak landu ditu urte hauetan, kultura-etxeetan, eskoletan, antzokietan nahiz liburutegietan, neska-mutilentzat eta familiarentzat, euskeraz zein gaztelaniaz, ipuin klasikoak eta garaikideak, dibertigarriak eta esanguratsuak.

Gaur egun hamar ikuskizun ezberdin antzezten ditu. Bere azken obrak, Nahia eta Neo eta Etxean Goxo, aretoetan zein antzokietan burutu daitezke bi formatuei esker.

Euskadiko eta Nafarroako programazioetan aritu da gehienbat. Gonbidatua izan da beste Autonomia-Erkidegoko kultura-jarduera askotara eta Nazioarteko Txotxongilo Jaialdi batzuetara, hala nola Barañain (2018 / 2017 / 2002), Bilbao (2008), Chiclana de la Frontera (2018), Hendaya (2017/ 2016/ 2015/ 2013/ 2012/ 2007), Logroño (2019 /2018), San Adrián (2004), Sestao (2008) edo Tolosa (2016/ 2012)